عشق الزين

**البارت 1**

في مكتب رئيس مجلس إدارة شركات الجارحي.

زين باشا _ امممممم.

سهيلة السكرتيرة _ في واحد عاوز يقابل حضرتك، اسمه عم حسن.

زين _ دخليه فورًا يا سهيلة.

سهيلة _ أمرك.

**استووووووووووب**

زين الجارحي عمره 30 سنة، من أغنى رجال الأعمال في مصر، يمتلك ثروة كبيرة جدًا. شاب وحيد، فقد والده ووالدته، وتولت جدته تربيته. يعيش بمفرده.

زين طويل، شعره أسود وكثيف، وعيونه عسلي، وله لحية خفيفة. وسيم ويهتم بجسمه ولياقته بشكل كبير. ناجح في عمله، والجميع يحسب له حسابًا. ذكي جدًا، واستطاع أن يبني إمبراطورية الجارحي بمجهوده وتعبه.

—

زين _ عم حسن، وحشتني يا راجل يا طيب، أخبارك إيه؟

عم حسن _ أنت اللي وحشتني يا زين الرجال.

زين _ يااااه يا عم حسن، أنت عمرك ما هتتغير وهتفضل تقول لي زين الرجال.

عم حسن _ أنا عمري ما هتغير، وعمري ما هقولك غير زين الرجال.

زين _ إيه بقى؟ قررت تيجي تعيش معايا؟ أنا مش عارف ليه عاوز تقعد في الشرقية.

عم حسن _ بيتي وحياتي هناك يا زين… المهم أنا كنت عاوز أطلب منك طلب.

زين _ أنت تطلب وأنا أنفذ على طول، أنا تحت أمرك. أنا عمري ما أنسى فضلك عليا أبدًا.

عم حسن _ اهدى يا ابني، مش يمكن ترفض الطلب؟ صعب، مش سهل توافق بسرعة.

زين _ قول يا عم حسن اللي أنت عاوزه ومن غير مقدمات. قلت لك قبل كده أنت غلاوتك عندي كبيرة، واللي أنت عاوزه هيتنفذ.

عم حسن _ ده العشم برضه.

الحكاية وما فيها إن أنا ليا جار، مهندس محترم ومراته ست محترمة، توفوا وسابوا بنت، والدة المهندس ربتها وكبرتها وعلمتها. المشكلة إن الست مرضت وتعبت وتوفت. بعد وفاتها، أولادها عاوزين يجوزوها لابن واحد فيهم عشان يستفيدوا من حقها. البنت ضعيفة وملهاش حد، وقعدت ترفض وتحجج. وفي الآخر قرروا يضغطوا عليها عشان تتجوز رجلًا أكبر منها. في يوم كتب الكتاب هربت وجت لي، وأنا جبتها على هنا. أهلها دلوقتي بيدوروا عليها.

زين _ كمل يا عم حسن، أنت طالب مني إيه؟

عم حسن _ طالب منك تاخدها تعيش عندك وتكمل دراستها هنا. هي في كلية هندسة وتعيش تحت حمايتك. وأنا كنت ممكن أأجر لها شقة، بس أهلها ممكن يوصلوا لها في أي وقت.

زين _ طب هي فين؟

عم حسن _ استنى يا زين قبل ما تسأل عليها، أنا لسه مخلصتش كلامي… أنا كنت عاوزك تتجوزها.

زين _ نعم؟ أتجوزها ليه؟ هو أنت مش واثق فيا ولا إيه؟

عم حسن _ لا، واثق يا ابني، بس أنا طلبت منك تقعد في بيتك، وعشان أكون مطمن عليها.

زين _ عم حسن، بيتي فيه ناس بتشتغل، يعني مش هكون أنا وهي لوحدنا.

عم حسن _ يا ابني أنا واثق فيك والله، بس معلش ريحني عشان أكون مطمن إنها في أمان.

زين _ ماشي يا راجل يا طيب.

عم حسن _ تسلم يا زين الرجال.

أنا كنت عاوزها تشتغل عندك وتكسب ثقة في نفسها. البنت ضعيفة وبتخاف من أي حاجة، وكمان عشان تحافظ على كرامتها.

زين _ ماشي يا عم حسن، هي فين؟

عم حسن _ تحت يا ابني قاعدة. هي متعرفش لسه حاجة عن اتفاقنا. أنا هنزل أفهمها براحة، وربنا يهدي الأمور من عنده.

زين _ انزلها وخد وقتك، أنا هخلص شوية ورق وأنزلك نتمم الموضوع.

عم حسن _ أنا مغلطتش أبدًا لما فكرت فيك.

—

**في الاستقبال**

نلاقي بنت قاعدة على كراسي مخصصة لاستقبال الزوار.

دي بطلة قصتنا، ليليان.

عمرها 20 سنة، طولها متوسط، عيونها خضراء، وبشرتها فاتحة، وشعرها كستنائي اللون وطويل جدًا، ومحجبة. جميلة وملامحها هادئة جدًا. بتدرس في كلية هندسة، وفي خدها الأيمن غمازة بتظهر لما بتضحك.

عم حسن _ ليليان، أنتِ فين؟ عمال أكلمك وأنتِ مبترديش.

ليليان _ معلش يا عم حسن، ماخدتش بالي، كنت سرحانة.

عم حسن _ اسمعي يا بنتي، مفيش وقت. أنتِ لما جيتي لي عشان أساعدك كنتِ واثقة فيا.

ليليان _ أيوه طبعًا، تيته الله يرحمها قالت لي عمك حسن هو الوحيد اللي تثقي فيه، وأنا بحبك جدًا، عشان كده جيت لك من غير ما أفكر.

عم حسن _ بصي يا بنتي، أنتِ لازم تبعدي عنهم لفترة، عشان كده جبتك القاهرة لزين الجارحي. أنا اللي مربيه وعارف قد إيه محترم وراجل. أنا عاوزك تتجوزي زين وتعيشي معاه في بيته، وأنا قلت له يخليكي تشتغلي وتكملي دراستك في الجامعة هنا. المهم تكوني في حمايته.

ليليان _ هو ده الحل يا عم حسن؟ مفيش حل غير ده؟ طب أنا ممكن أقعد في شقة لوحدي، مش لازم الجواز… وبعدين أهله يقولوا عليا إيه؟

عم حسن _ ده الحل ومفيش وقت، ولازم توافقي بسرعة. وماتخافيش، ملوش أهل عايشين، وبعدين يا ستي ده ارتباط رسمي لحد ما نشوف موضوع أهلك هيوصل لفين.

ليليان _ ماشي يا عمو، أنا واثقة في حضرتك.

جاء زين.

زين _ عم حسن.

عم حسن لف لزين _ زين، تعال سلم على ليليان.

زين بص لها، لقاها جميلة جدًا، وباين على وشها إنها متعبة وحزينة.

زين شد عم حسن بعيد عنها.

زين _ عم حسن، هي متضايقة ليه؟ أنت ضغطت عليها في موضوع الجواز ده؟ أنا لسه عند وعدي، هحميها من غير جواز.

عم حسن _ لا يا ابني، هي بس متأثرة باللي حصل لها. يلا يا ابني.

عم حسن أخذ ليليان ومشى، وزين مشي وراه.

ليليان بصت لقت رجال حراسة كتير وعربيات، فخافت منه. هو جميل، لكن ملامحه جادة جدًا وعيونه حادة. حست إنه شخص قوي وواثق من نفسه جدًا.

بعد فترة تم عقد الزواج.

زين _ أنت لسه عاوز تسافر؟ خليك معايا النهارده.

عم حسن _ مينفعش، لازم أسافر عشان أهل ليليان ميحسوش بحاجة.

ليليان، اسمعي كلام زين، هو حمايتك وسندك.

—

وصلوا عند برج كبير على النيل.

نزل زين وليليان وركبوا المصعد.

وصلوا إلى آخر دور، وكان مصمم بطريقة عصرية وجميلة جدًا، وكان عبارة عن طابقين.

الطابق الأول فيه غرف العاملين، غرفة المكتب، غرفة الجلوس وحمام سباحة.

الطابق الثاني خاص بزين، فيه غرفة نوم، وغرفة رياضة، وغرفة جلوس خاصة بزين، ومكتبة كبيرة فيها كتب كثيرة.

والطابق ده ممنوع أي حد يدخله بدون إذن.

زين _ دادة سميحة.

دادة سميحة _ أيوه يا زين.

زين _ أعرفك دي ليليان، مراتي.

دادة سميحة بدهشة _ مراتك؟ أهلًا يا بنتي.

ليليان _ أهلًا بحضرتك.

زين _ لو سمحتي يا دادة جهزي الغدا.

دادة سميحة _ حاضر.

زين _ احم… تعالي معايا المكتب، عاوزك في شوية كلام لازم نتكلم فيه.

ليليان بخوف _ حاضر.

—

**في محافظة الشرقية**

رجل كبير تظهر على ملامحه القسوة.

الشيخ _ والله مش هسيب الموضوع يعدي بسهولة يا عاصم. إزاي يحصل كده؟

عاصم عم ليليان _ اهدى بس يا شيخنا، والله أنا معرفش هي راحت فين… بس متقلقش، هجيبها.

الشيخ _ متنساش المسؤولية اللي عليك. لو أنت متعرفش توصل لها، أنا هتصرف بنفسي.

عاصم _ لا لا، هي ملهاش حد أصلًا. إحنا هنسأل عليها عند كذا حد. اديني بس مهلة وإن شاء الله هاجيبهالك.

مشى الشيخ ورجالته.

شاكر _ أنت ليه موافقتش يدور عليها معانا؟

عاصم _ أنت مش فاهم الموضوع. لو لقيناها لازم نعرف نتعامل مع الموقف قبل أي خطوة تانية.

شاكر _ هتكون راحت فين وقدرت تعمل كده إزاي؟

عاصم _ هلاقيها، هي ملهاش حد، وهترجع لنا.

**عشق الزين**

**الجزء 2**

في بيت زين الجارحي، وتحديدًا في غرفة المكتب.

زين _ بصي، أنا وافقت عشان عم حسن، لأن الراجل ده أفضاله عليا كتيرة. بس لازم تفهمي شوية حاجات.

أولًا: الارتباط ده في البداية هيكون رسمي ومحدود بيننا.

ثانيًا: مينفعش حد برا يعرف تفاصيل حياتنا الشخصية. أنا رجل أعمال وليا مكانتي، ومش حابب أعلن أي تفاصيل خاصة عن حياتي.

عم حسن طلب مني إنك تكملي دراستك وتشتغلي في الشركة عندي. وأنا قررت أشغلك سكرتيرتي الشخصية، تنظمي مواعيد وتحضري اجتماعات وتسافري معايا.

وماتخافيش، لو الشغل هيعارض دراستك، تبقى الدراسة في المقام الأول.

ليليان _ عمو حسن كان قال لي إني هكمل الدراسة هنا، وورقي في الجامعة لسه هناك في الشرقية.

زين _ دي كلها أمور بسيطة.

زي ما لاحظتي، البيت هنا دورين. الدور اللي إحنا قاعدين فيه، وطبعًا مفيهوش غرفة ليكي، والدور فوق ده جناحي الخاص. أنا بحب الخصوصية والنظام، ومش بحب حد يدخله بدون إذني. دادة سميحة بس مسموح لها، وأنتِ كمان هيكون مسموح لك لأنك هتعيشي معايا.

ليليان _ أنا ممكن أنام مع دادة سميحة.

زين _ بصي، زي ما فهمتك، حياتنا الخاصة مش لازم حد برا يعرف تفاصيلها. وهنا في البيت الكل عارف إنك زوجتي، ومينفعش زوجة زين الجارحي تنام مع حد من العاملين عندي.

ليليان بضيق _ مفهوم.

زين _ طيب يلا اطلعي الجناح، زمان دادة سميحة رتبت هدومك.

—

في الشرقية.

عاصم _ يعني إيه مش لاقيها؟ هتروح فين دي؟ ملهاش حد غيرنا، مفيش غير حسن الزفت هو اللي ساعدها.

يوسف ابن عاصم _ أنا مش قادر أتقبل إنها اختفت من قدامنا. كل ما أفتكر إنها راحت من إيدينا بتضايق.

عاصم _ أنا هتصرف وهعرف مكانها.

يوسف _ أنا مش هرتاح غير لما نعرف هي فين.

عاصم _ ركز بس معايا، أنا عاوزك تراقب حسن وتبلغني بكل حاجة.

يوسف _ متقلقش.

—

في مكان تاني في الشرقية.

حسن _ الحمد لله يا توحيدة، قدرت أوصلها لزين.

توحيدة زوجة حسن _ الحمد لله يا أبو إيمان. البنت طيبة والله، بس أنا خايفة عليها من زين الجارحي، ده راجل طبعه صعب وشديد، والبنت بسيطة ومش قد الحياة دي.

حسن _ متقلقيش، زين عمره ما يأذيها. هو الوحيد اللي يقدر يحميها منهم.

المهم، لو حد سألك قولي معرفش هي فين. حتى بنتك أوعى تتكلم مع حد.

توحيدة _ حاضر من عيني.

—

**في القاهرة، وتحديدًا في بيت الجارحي**

ليليان واقفة في الجناح وتايهة، مش عارفة هي بتعمل إيه هنا. ده مش مكانها ولا دي حياتها. حست إنها مخنوقة، وإنها عاوزة ترجع بيتها. حاسة إنها دخلت عالم مش بتاعها، عالم كبير عليها.

بصت حواليها، لقت الجناح كبير جدًا، فيه سرير، ومكتبة فيها كتب، وتلفزيون، وغرفة ملابس، وركن خاص بمفاتيح عربيات كثيرة. شكله مهتم جدًا بالعربيات.

وأخيرًا لقت هدومها.

زين _ بتفكري في إيه؟

ليليان _ يالهووووووي… احم، اتخضيت.

زين _ اتخضيتي؟ الجناح هنا مش بيدخله حد إلا بإذني، فمتخافيش.

ليليان _ حضرتك، هو أنا هنام فين؟

زين أشار إلى السرير _ هتنامي هنا.

ليليان بتوتر _ وحضرتك هتنام فين؟

زين _ هنا برضه.

زين أخذ نفسًا وقال بهدوء _ بصي، أنتِ لازم تستحملي الوضع لحد ما أشوف مهندس يوسع الجناح ويعمل لك غرفة.

وسابها وخرج.

ليليان في نفسها _ أووووف عليك يا إنسان، تقول كلام وتمشي، مستناش حتى أرفض أو أوافق.

ليليان دخلت الحمام، وبعدها خرجت بملابس مريحة.

زين _ أنتِ لابسة حجاب ليه؟

ليليان بارتباك _ أنا كده بكون مرتاحة.

زين _ امممم، بصي أنا بحب النظام، ولو طلبت حاجة ياريت تتنفذ من غير مشاكل.

زين سابها وخرج.

ليليان في نفسها _ يا ربي، كده كتير. ليه كده يا عم حسن؟ جوزتني لواحد زي ده.

—

على السفرة.

زين _ دادة، ليليان طبعًا هتعيش معايا في جناحي. ياريت تفهميها طبعي.

دادة سميحة _ حاضر يا ابني.

زين استغرب وبص ناحية السلم، لقاها نازلة لابسة ملابس منزلية جميلة باللون الوردي، وفردت شعرها.

زين في نفسه _ يا ترى أنا عملت إيه؟

زين بهدوء _ ورقك اتحول لجامعة القاهرة.

ليليان متوترة من نظراته _ يااه بالسرعة دي؟ أنا فكرت هياخد على الأقل شهر.

زين بص لها وبعد كده بص على الأكل وبدأ يأكل بهدوء.

هو شاف إنه يتجاهلها أحسن، لأنها كل ما بتتكلم بيلاقي نفسه مركز معاها أكتر.

—

الساعة 3 الفجر في بيت الجارحي.

ليليان بتتحرك على السرير بعنف وبتعيط _ بابا لا، لا، متسبنيش! ماما! الحقيني! هقع في الحفرة!

زين قام من النوم مفزوع وقرب منها _ ليليان، اهدى، اصحي، ده كابوس.

ليليان بتعيط وصوتها بدأ يعلى.

زين قرب منها وحاول يهديها ويطمنها.

لغاية ما هديت ونامت.

زين في نفسه _ باين إن حكايتك لسه فيها حاجات كتير معرفهاش.

—

**صباحًا في بيت الجارحي**