ليليان قامت من النوم على صوت منبه. فتحت عينها لقت زين أمامها وملامحه هادئة، وشعره مش مرتب.
فضلت تبص له لحظة، وبعد كده فاقت لنفسها وافتكرت هي فين وهو فين.
زين فتح عيونه من حركتها على .
ليليان _ احم، أنا آسفة، أنا أكيد ضايقتك بالكابوس، ومقصديش.
زين _ لا عادي، مفيش مشكلة.
قام وسابها ودخل الحمام.
ليليان لنفسها _ إنتِ هبلة؟ بطلي تتعاملي مع الناس بسرعة كده وتاخدي عليهم.
زين واقف وراها _ شكرًا.
ليليان _ احم، أنا…
زين _ بلاش كلام كتير على الصبح.
ليليان بابتسامة _ ماشي.
—
**في الشرقية**
إيمان بنت عم حسن بتتكلم في التليفون.
إيمان _ معرفش هي فين يا حبيبي، ده حتى بابا ميعرفش هي فين.
المتصل _ إزاي؟ أنا متأكد إن أبوكي يعرف مكانها.
دخل عم حسن عليها فجأة.
إيمان بتوتر _ ماشي يا سهى، أشوفك بقى في الجامعة… سلام.
عم حسن بشك _ بتكلمي مين؟
إيمان بتوتر _ ما حضرتك سمعت، سهى.
عم حسن مش مصدقها، لكنه حاول يثق فيها.
عم حسن _ حاولي تبعدي عن البنت دي، عشان أنا مش بحب طريقتها.
إيمان _ حاضر يا بابا.
عم حسن خرج، وإيمان أخيرًا قدرت تتنفس.
إيمان في نفسها _ يا رب ما يعرف.
**الجزء الثاني خلص**
ياترى إيمان كانت بتكلم مين؟
وإيه مصيرها لما أبوها يعرف؟
وليليان هتقدر تكمل في عالم زين الجارحي؟
**عشق الزين**
**الجزء 3**
في بيت الجارحي.
زين قاعد على السفرة، وليليان جت وقعدت وبدأت تمثل إنها بتاكل.
زين _ أنتِ مش بتفطري ليه؟
ليليان _ مبحبش أفطر.
زين بجدية _ لا، كده غلط. افطري كويس واشربي كوب اللبن ده.
ليليان بتهكم _ أنا أشرب اللبن؟ أنت بتكلمني أنا؟
زين _ أيوه بكلمك أنتِ. واشربي.
ليليان _ لا، أنا مبحبوش، شكرًا لاهتمامك.
زين _ العفو… اشربي يلا.
ليليان _ هههههه، أنت بتتكلم جد؟ هو أنا رايحة مدرسة؟
زين _ أنا مبهزرش. اشربي اللبن، ومرة بالليل ومرة الصبح.
ليليان _ بص، أنا ممكن أسمع كلامك في أي حاجة إلا دي. معدتي بتتعب منه.
زين _ تمام، مش هنجبرك على حاجة تضر صحتك. لكن اهتمي بفطارك كويس.
ليليان _ حاضر.
زين _ يلا خلصي، السواق كريم مستنيكي تحت عشان يوصلك الجامعة وهيكون معاكي في تنقلاتك.
ليليان سكتت.
—
**في العريش**
الشيخ عزت _ ها، بشرني، عرفتوا حاجة؟
أحد رجاله _ إحنا دورنا في كل مكان، لكن لسه مش عارفين مكانها.
الشيخ _ خلاص، استمروا في البحث بهدوء.
الشيخ لنفسه _ يا ترى أنتِ فين؟
—
**في جامعة القاهرة، وتحديدًا كلية الهندسة**
ليليان ماشية تايهة، وبصت في إيديها وضحكت وافتكرت زين وهو بيديها الجدول في المصعد، وكمية التعليمات اللي قالها لها.
وفجأة خبطت في حد.
ليليان _ آسفة، مقصدتش.
_ عادي يا قمر، محصلش حاجة. أنتِ شكلك جديدة، صح؟ تايهة كده ليه؟
ليليان _ أيوه فعلًا، أنا نقلت من جامعة الزقازيق وجيت هنا. أنتِ اسمك إيه؟
_ اسمي سارة، في كلية هندسة. وريني الجدول ده وأنا أساعدك.
ليليان _ اتفضلي.
سارة _ إيه ده؟ أنتِ طلعتِ نفس الدفعه! لا بقى، ده إحنا نبقى أصحاب.
ليليان _ آه ياريت طبعًا. أنا اسمي ليليان.
سارة _ اممم، اسم جميل. سيبك من جو التعارف ده وتعالي نلحق أول محاضرة، أصل دكتورها شديد شوية.
ليليان _ هههههه، مين الدكتور ده؟
سارة _ لا تعالي أحكيلك وإحنا رايحين.
**استووووووب**
سارة بنت محجبة وجميلة، جمالها هادئ، قمحية وعيونها عسلية واسعة، وشعرها أسود وقصير. عايشة مع مامتها وباباها في دبي. والدها مدير بنك وأخوها بيشتغل معاه. وهي طيبة وبتحب الهزار وعنيدة جدًا.
—
**في شركة الجارحي**
سهيلة _ احم، هو أنا حضرتك قصرت في حاجة؟
زين _ لا مقصرتيش، بس مزاجي كده.
سهيلة _ أمرك يا باشا. طب هي الأستاذة محدش قال لها على مواعيد العمل؟
زين بحدة _ الزمي حدودك كويس. هي تيجي في الوقت اللي يناسبها وتمشي براحتها. محدش له دعوة.
وبعدين قال بصرامة _ ولو حصل أي مضايقة ليها في الشركة، الموضوع هيكون عندي.
تليفون زين رن كتير، وأخيرًا رد.
زين _ ألو، السلام عليكم.
عم حسن _ وعليكم السلام يا ابني. إزيك يا زين الرجال؟ وليليان أخبارها إيه؟
زين _ كويسة الحمد لله، وهي كمان كويسة وموجودة في كليتها. متقلقش عليها.
عم حسن _ عارف يا ابني، مش قلقان. خليك مطمنني عليها.
زين _ متقلقش، قولتلك لما جت لي كانت واثقة فيا، وأنا مش هخذلها.
عم حسن _ معلش يا زين حطيتك في وضع صعب.
زين _ مالك يا عم حسن؟ أنت تعبان؟
عم حسن _ لا، أنا تمام. المهم حافظ على الأمانة.
زين _ حاضر يا عم حسن.
—
**في الجامعة**
ليليان _ يااااه، أخيرًا خلصنا.
سارة _ هههههه، وجع دماغ صح؟ مش قلت لك؟
المهم تيجي نشرب أي حاجة؟
ليليان افتكرت اللبن _ ربنا يسامحك يا شيخ.
سارة _ بتقولي إيه؟ مش سامعة.
ليليان _ لا، بقولك مش هقدر أشرب، وبعدين لازم أمشي عشان الشغل.
سارة _ أنتِ بتشتغلي؟ وبتشتغلي فين؟
ليليان _ في شركة الجارحي.
سارة _ يا بنت الإيه! وصلتي إزاي هناك؟ ده مش أي حد يقدر يشتغل هناك.
ليليان حبت عشان سارة متسألهاش أكتر.
ليليان _ بعدين هبقى أحكيلك. أشوفك بكرة.
—
**في الشركة**
ليليان وصلت وركبت المصعد، ولقت شخص كمان معاها.
_ أنتِ طالعة فين يا عسل؟
