ليليان _ نعم؟ حضرتك بتكلمني أنا؟
_ لا، بكلم اللي وراكي.
ليليان فهمت إنه بيهزر وسكتت.
_ هو أنا مش بكلمك؟ المصعد ده خاص برؤساء الأقسام، وأنا أول مرة أشوفك.
ليليان _ أنا سكرتيرة زين باشا.
وصل المصعد.
ليليان سألت على مكتب رئيس مجلس الإدارة وراحت.
ليليان _ لو سمحتي، أنا ليليان، ممكن تقولي لزين باشا إني جيت؟
سهيلة _ اممم، أنتِ السكرتيرة الجديدة؟ ادخلي، مستنيكي.
ليليان فتحت الباب، وجت تدخل، لكن سبقها الشخص اللي كان معاها في المصعد ودخل قبلها.
زين _ أهلًا مراد، تعال. إيه أخبار المشروع؟
**استووووووب**
مراد الألفي صديق زين المقرب، طويل جدًا، بشرته فاتحة وعيونه رمادية، ووسيم جدًا. مختلف عن زين، اجتماعي وبيحب الهزار، وله أسهم في شركات الجارحي، وله سر في حياته هنعرفه بعدين.
مراد _ آه طبعًا، رسيت، أنت شاكك في قدراتي؟
زين _ تمام.
زين بص على ليليان الواقفة وبتسمع الحوار، ولقاه مراد بيبص لها باهتمام.
مراد _ مش تعرفنا يا زين؟
زين _ آه طبعًا. ليليان الجارحي، زوجتي. ليليان، ده مراد الألفي، صاحبي وشريكي.
مراد بدهشة _ زوجتك؟ أنت اتجوزت من غير ما أعرف؟
زين _ ليليان، لو سمحتي ادخلي المكتب اللي هناك وفيه شوية إيميلات ترجميهم.
ليليان _ حاضر.
ليليان راحت مكتبها وقفلت الباب.
مراد _ أنت بتتكلم جد؟ مراتك ولا بتشتغل عندك؟
زين _ لا، هي مراتي وبتشتغل سكرتيرتي الشخصية.
مراد _ برضه عرفني كل حاجة، أنا صاحبك.
زين _ أنت كنت مسافر عشان المشروع، والموضوع تم بسرعة.
مراد _ ماشي، ابقى قول لها بقى أنا مين عشان متستغربش لو كلمتها.
زين _ وإنت كلمتها فين؟
مراد _ في المصعد.
زين فهم إن مراد بيهزر.
زين _ عادي يا مراد، أنت أخويا، بس بلاش تضايقها أو تحطها في موقف محرج.
مراد _ هههههه، يا زين متضحكش عليا.
—
**في الشرقية**
عاصم _ مفيش أي أخبار عن حسن؟
يوسف _ لا، عايش حياته عادي.
عاصم _ كنت سمعت إنه بيشتغل عند رجل أعمال كبير، وبعدين لما تعب وقف شغل. يمكن الراجل ده بيساعده.
يوسف _ بس أنت ليه متأكد أوي إنه هو اللي ساعد ليليان؟
عاصم _ حسن هو الشخص اللي كانت تثق فيه.
يوسف _ متقلقش، هنلاقيها.
—
**في مكان آخر في الشرقية**
سهى _ إلا قولي لي، بيقولوا ليليان هربت مع واحد، صح؟
إيمان بضيق _ بقولك إيه يا سهى، كله إلا ليليان. مش علشان بتكرهيها تطلعي عليها كلام مش مظبوط.
سهى _ اهدى يا بنتي، أنا بس كنت بسألك عشان أنتِ أقرب واحدة ليها.
إيمان _ معرفش. وبعدين أنا هسيبك عشان أروح أصور ورق.
إيمان مشيت تصور ورق، ولقت حد واقف جنبها.
لفت تبص.
إيمان _ عبد الرحمن؟
عبد الرحمن، ابن عم ليليان وابن شاكر _ أيوه أنا، اللي زعل منك المرة اللي فاتت.
إيمان _ يووووه، هو أنا هقعد كتير أعتذر؟ والله بابا دخل فجأة عليا، أعمل إيه؟
عبد الرحمن _ خلاص، الموضوع عدى.
إيمان _ عبد الرحمن بجد أنا آسفة، بس أنا بتوتر وبخاف لما بحس إن بابا شاكك فيا. أنت عارف يعني إيه بابا يعرف إني بكلمك.
عبد الرحمن بهدوء _ خلاص الموضوع عدى، ومتخافيش. ويلا عشان تروحي، اتأخرتي.
—
**في شركة الجارحي**
مراد _ أظن كده عملت كل اللي قولت عليه.
زين _ آه، اخلع أنت بقى.
مراد _ أخلع ليه؟ مش خالع.
زين _ بطل أسلوبك ده.
مراد بضحك _ هههههه يا زين، متضحكش عليا. أنت عاوز تفهمني إنها مش عجبتك؟
زين _ والله يا مراد لو فضلت تزعجني هتخليني أغير طريقتي معاك. متنساش دي مين.
مراد _ مين؟
زين بحدة _ دي بقت ليليان الجارحي، فاهم ولا لأ؟
مراد _ فاهم يا خويا. متشدهاش.
مراد مشي، وخلص اليوم.
زين اتصل على ليليان.
ليليان _ أيوه يا زين بيه.
زين _ خلصتي اللي طلبته منك؟
ليليان _ أيوه، أجيبه لحضرتك؟
زين _ لا، يلا عشان تروحي.
ليليان _ حاضر… هو أنا عملت حاجة غلط؟
زين _ في البيت نتكلم. يلا.
—
**في بيت الجارحي**
على السفرة، ليليان قاعدة بتاكل بصمت ومتوترة من نظرات زين.
ليليان _ الحمد لله خلصت، هقوم أنام.
زين _ استني شوية.
ليليان _ حاضر.
زين _ محتاجة ترتاحي؟ خلاص روحي نامي.
ليليان _ حاضر.
—
في الليل.
ليليان دخلت الغرفة، وبعد وقت قصير نامت.
زين كان بيفكر في أحداث اليوم، وفجأة رن تليفونه.
زين _ ألو.
شخص _ الحق يا باشا… عم حسن اتوفى.
زين انتفض من مكانه _ أنت بتقول إيه؟
الشخص _ البقاء لله يا باشا.
ليليان قامت من النوم.
ليليان _ في حاجة؟
زين _ مفيش، مشكلة في مصنع الحديد، هروح أشوفها. كملي نومك.
ليليان _ متأكد؟
زين هز رأسه، وقام يغير هدومه.
**عشق الزين**
**الجزء 4**
في كلية الهندسة.
سارة _ مالك يا ليليان؟ وشك شاحب ليه؟
ليليان _ مش عارفة، قلبي مقبوض.
سارة _ من إيه؟ طيب تعالي نقعد في الكافتيريا وتحكي لي إيه اللي قلقك كده.
ليليان وسارة قعدوا مع بعض.
سارة _ ها يا ستي، في إيه؟
ليليان سكتت كتير، مش عارفة تقول إيه، بس هي محتاجة تحكي لحد.
ليليان _ سارة، أنا ارتحت لك أوي، ونفسي تبقي صاحبتي، ونفسي أحكيلك وجعي ومشكلتي. بس أوعي الكلام اللي هقوله ده يتقال لحد.
سارة _ أنا عذراكي عشان متعرفنيش، بس بكرة هتعرفي أنا مين.
ليليان _ صدقيني أنا حبيتك، عشان كده هحكيلك.
—
