شهاب وبعدين ي عم انت بتتعب وبتحلو كدة هتهور والله فاطمة هههههى تقرب هند بالشاي تلاقيهم بيهزروا، تفضل واقفة بصالهم ومبتسمة. تعدي الأيام، وشهاب يأجر شقة وبيوضب فيها للمكتب. شهاب في بيت فاطمة، هند في المطبخ بتعمل الأكل مع مامتها، وشهاب وفاطمة قاعدين برة. شهاب : م تغوري بقا غوري. الأم: إيه ده؟ في إيه!!! هند: مش عارفة!!
تطلع هند تلاقيهم قاعدين ع الكنبة وبينهم فون شهاب، بيلعبوا هوكي.
هند: الله يحرقكم، خضتونا فكرناكم .
فاطمة بضحك: لا ده بيتخانق مع الكورة عشان غلباه.
هند: ههههههه عيب والله.
شهاب: إنتوا هتتريقوا عليا منك ليها ولا إيه؟
هند: ي عم اقعد مغلوب وبتتكلم.
شهاب: أنا سايبها تكسب بمزاجي.
فاطمة: صح صح.
هند: أيوة لما تتزنق تقول كدة.
شهاب: ي بت هقوم انفخك.
هند: ي شيخ اقعد، دي كورة جيباك أرض.
شهاب وهو بيقلع الساعة: لا كدة كتير أوي.
هند: لو قمت من مكانك وربنا م هغديك.
شهاب وهو بيلبس الساعة تاني: ليه بس العنف ده يا جماعة؟ الأمور متتحلش كدة.
الكل: ههههههه.
يرن الفون بتاعه، يلاقيها سو. يستغرب ويتوتر، يكنسل عليها ويقفل الفون ويحطه في جيبه.
يجي الليل، شهاب نازل من عند فاطمة.
فاطمة: هتروح؟
شهاب: لا هطلع ع المكتب أظبط كام حاجة كدة.
فاطمة: طب م تريح حبة يا شهاب، هو كل يوم المكتب؟
شهاب: عاوز أخلص يا بطة، ورايا حاجات كتير وبالوضع ده مش هعرف ألم نفسي ونتجوز.
فاطمة: يا حبيبي متضغطش ع نفسك، م أنا معاك أهو.
شهاب: مهو عشان إنتي معايا وواقفة جنبي لازم أنجز بقا ونتلم في بيت واحد.
فاطمة: ربنا يقويك يارب.
شهاب: أيوة دعوتك الحلوة دي تكفي.
فاطمة: حبيبي.
شهاب: تصبحي ع خير.
فاطمة: وإنت بخير.
ينزل شهاب يفتح الفون بتاعه، بعد دقيقتين يرن، يلاقيها سو.
شهاب: عاوزة إيه دي؟.. ألو.
سو بانهيار وعياط: شهاب الحقني يا شهاب.
شهاب بخضة: في إيه؟
سو: أنا أذيت نفسي.
شهاب: إييييه؟
سو بعياط: إيدي عمالة تنزف من بدري، أنا خايفة يحصلّي حاجة يا شهاب.
شهاب: طب مفيش أي حد معاكي؟
سو: ومن إمتى كان حد معايا غيرك؟ أنا لوحدي وخايفة أوي، أنا لو حصلّي حاجة محدش هيعرف، وهفضل هنا محدش حاسس بيا.
شهاب: طب اهدي طيب، أنا جاي لك، اقفلي.
يقفل شهاب ويرجع يركب متوسيكلته ويمشي.
يوصل شقة سو، يخبط جامد، تفتحله سو وهي ماسكة إيدها وبتنزف.
شهاب بانفعال: الله يخرب بيتك، إنتي اتهبلتي؟
سو: آآآه.
يدخل شهاب، يمسك إيدها وياخدها ع التواليت، ينضفلها إيدها من الدم ويربطهالها ويقعدوا.
شهاب: وإيه الفاتحة دي كلها؟ ده مش موس!!!
سو: لا سكينة.
شهاب: حد يقطع شرايينه بسكينة يا متخلفة؟
سو: وأنا إيش عرفني؟ أنا أول مرة أعمل حاجة زي كدة.
شهاب: مجنونة والله.. إيه اللي خلاكي تعملي كدة؟
سو بعياط: عشان لوحدي.. هفضل طول عمري لوحدي.. مكانش ليا غيرك وإنت سيبتني.
شهاب: أنا مسبتكيش، أنا خيرتك وإنتي اختارتي.
سو: كنت غلطانة، ياريت وافقت نبقا صحاب.
تترمي في حضنه.
سو: أنا من غيرك أضيع يا شهاب.. والله هضيع.
شهاب وهو بيطبطب عليها: اهدي بس ونبقا نتكلم بعدين.
سو: خليك معايا النهاردة.. أنا حاسة إني مش هقدر أكمل.
شهاب: بعد الشر، إنتي كويسة؟ متخافيش.
سو: وحياتي خليك النهاردة.
شهاب: أنا…………
سو: ده آخر طلب هطلبه منك.. خليك معايا، متسبنيش لوحدي، والله ممكن أأذي نفسي تاني.
شهاب: بلاش جنان.
سو: طيب خليك.
شهاب: هتسيبيني؟
يمشي شهاب وميبصش عليها.
سو: يا شهااااب.
ينزل شهاب من العمارة، يركب متوسيكلته ويمشي في الطريق.
شهاب في سره: إيه اللي هببته ده؟ ليه عملت كدة؟.. إنت كنت واخد وعد بينك وبين نفسك إن ده مش هيتكرر من ساعة ما دبلتها اتحطت في إيدك.. إنت كدة خنتها.. إنت ليه وخد كدة ومش عاوز تنضف.. إيه اللي خلاك تروح بس؟ ما كنت سيبتها تواجه نتيجة تصرفها أو تغور في داهية.
يعدي اليوم.
تاني يوم شهاب في الشقة بيبيض المكتب الخشب، الباب مفتوح، تدخل فاطمة.
فاطمة: صباح الفل.
يتخض شهاب لما يسمع صوتها.
شهاب: صباح النور.
فاطمة: الله ينور.
شهاب: تسلمي.
فاطمة وهي بتقعد جنبه في الأرض: إيه مالك؟ عينك حمرا كدة!!!
شهاب: منمتش من إمبارح.
فاطمة: يلهوي يا شهاب، إنت هنا من إمبارح؟
شهاب: آه.
فاطمة: يا بني إنت لاقي صحتك؟ إيه الجنان ده!!!!
شهاب وهو بيكمل عادي.
فاطمة باستغراب: مالك يا شهاب.. إنت زعلان عشان سيبت الشغل؟
شهاب: لا نهائي.. بالعكس أنا فرحان إن هيبقى ليا حاجة ملكي.
فاطمة: أومال مالك حساك مش متظبط؟ هو أما رجعت لكارمن دي ضايقتك لما قلتلها هتستقيل؟
شهاب: لا هو ممكن إرهاق بس.
فاطمة: طب سيب اللي في إيدك ده وتعالى نفطر سوا، أنا جبتلك ساندويتشات معايا.
شهاب وهو بيقوم: هغسل إيدي.
فاطمة: أوك.
يدخل شهاب التواليت يغسل إيده ووشه، يبص لنفسه في المراية.
شهاب: خلاص خلاااص بقا.
يطلع شهاب ويقعد يفطر مع فاطمة.
بعد يومين، قاعدة فاطمة في المحل مع هند، يرن فون فاطمة بمسج على الواتس من رقم غريب، تفتحها.
هند: م تسيبي الموبايل ده وقومي شوفي الناس معايا.
فاطمة: حاضر ثانية بس.
تلاقيه صور لشهاب وهو قاعد مع سو، تتخض، وتلاقي فيديو تفتحه، تلاقيه لشهاب وهو في حضنها.
تتصدم فاطمة، وتقوم تقفل الفيديو بسرعة من بشاعة المنظر وتحط إيدها ع بؤها.
هند وهي بتدي الست باقي الفلوس: إيه يا بت مالك؟
تنزل دموع فاطمة.
هند باستغراب: بت في إيه؟
فاطمة تحط إيدها ع الفون وتقربه ناحية هند.
تمشي فاطمة في الشارع ودموعها عمالة تنزل، وفاضلها حبة وتجري من القهرة اللي جواها.
شهاب في المكتب خلاص خلص وبينهي حاجات بسيطة باقية، الباب مفتوح، تدخل فاطمة.
فاطمة: هتروح يا شهاب؟
يلف يبصلها.
فاطمة: لا هروح المكتب أظبط شوية حاجات.
يتخض شهاب من منظرها المنهار.
فاطمة لكن في الأصل شهاب بيروح يتسرمح.. بيروح يصيع من بنات.. بيروح يخوني..
شهاب: فاطمة…………
فاطمة: فاطمة.. فاطمة كرهت اليوم اللي عرفتك فيه.. فاطمة من ساعة ما عرفتك وإنت عمال بتأذيها.. حتى حبك أذية يا شهاب.. يا كسرة قلب فاطمة والله.
شهاب: أنا عملت إيه بس؟
فاطمة: يعني كمان هتعمل فيها مش فاهم؟ أنا شفت بعيني.. شفت اللي مكانش ينفع أبدًا إني أشوفه.. إنت نزلت من نظري أوي.. نزلت إيه ده؟ اتكسرت وبقيت فتافيت.. بعد ما كنت بالنسبالي العالم ده كله، بقيت شايفاك حاجة صغيرة أوي..
تنزل دموعها.
فاطمة: منك لله.. أنا مش مسمحاك ولا عمري هسامحك ع كسرتي دي.. إنت دمرتني.
تمشي فاطمة مع دخول هند.
هند: فاطمة!!
تزقها وتمشي.
شهاب: إيه اللي حصل يا هند؟ أنا مش فاهم حاجة.
تديله الفون، يشوف الفيديو، يتخض، يقفله ويديه لهند.
هند: عرفت إيه اللي حصل؟
يشاورلها بآه وهو باصص في حتة تانية من إحراجه.
تبصله هند بخذلان وتمشي.
يقعد شهاب ع كرسي ويحط إيده ع دماغه.
تطلع فاطمة البيت وتدخل أوضتها، تترمي ع السرير وتنهار من العياط.
شهاب يفتكر سو، يقوم يقفل المكتب ويمشي.
يعدي الوقت، يوصل شهاب عند عمارة سو، يطلع ويخبط ع باب الشقة، ميلاقيهاش.
ينزل من العمارة، يفتكر إنها حاليًا في شغلها، يركب متوسيكلته ويمشي.
يوصل الـNight Club، يقرب ع البار.
شهاب: سو جت النهاردة؟
تشوفه سو تتخض.
سو: …… آه أهي.
يشاورله عليها، يشوفها شهاب تجري سو ع جوة.
يروح وراها، تدخل أوضة اللبس، يدخل وراها ويقفل الباب.
سو بخوف: شهاب بص اسمعني الأول.
شهاب وهو بيقرب عليها: إيه اللي خلاكي تعملي كدة؟
سو وهي بترجع لورا: والله هفهمك.
شهاب: فهمي خطيبتي.
يضربها قلم تقع ع الترابيزة وتقع في الأرض.
سو بانهيار: آآآه اسمعني، أبوس إيدك.
شهاب وهو بيمسكها من شعرها: من إمتى بنتعامل بالطريقة الوسخة دي؟ هااااا؟
يضربها بالقلم.
سو بعياط: والله مش أنا يا شهاب، دي بنت خالتك.
يتفاجئ شهاب.
شهاب وهو بيشدها من شعرها: بتهرجي؟ ب روح أهلك!
سو: والله بنت خالتك اللي اسمها كارمن.
يشدها ويهبدها ع كرسي.
شهاب: براحة كدة وتحكيلي.. إنتي تعرفي كارمن منين؟
سو: معرفهاش.
شهاب وهو بيضربها بالقلم: أومال أنجزييييي.
سو بعياط: آآه هقولك حاضر.
**فلاش باااااك**
من كام يوم، سو في شقتها، يخبط الباب، تقوم تجري تفتح، مفكرة شهاب، تلاقي كارمن ووراها بادي جارد شكلهم يرعب.
سو باستغراب: أيوة؟
تدخل كارمن ورجالتها.
سو: إيه ده؟ إنتوا رايحين فين!!!!!
تقعد كارمن.
كارمن: تعالي اقعدي يا سو، عاوزاكي في موضوع مهم.
سو: في حد يدخل بيت حد بالطريقة دي؟
كارمن تبص للبادي جارد.
