عفاف حماتي خطفت مني ورقة من الفولدر وهي أيديها بترعش:
— إيه الكلام ده؟ يعني إيه؟
— يعني الست هانم اللي عمالة تتباهي بيها قدام صاحباتك وبتقولي ابن ناس وأصحاب شركات، مرفوع عليها قضايا نصب واستيلاء على مبالغ كبيرة.. في زوجين نصب عليهم في يجي 400 ألف جنيه بحجة الاستثمار.
نادين وشها اصفرّ تماماً ودقات قلبها بقت مسموعة:
— ده.. ده موضوع واتحل! كان مجرد سوء فهم بسيط!
— وفي ق\ضية تانية كمان غير دي.. تحبي أقرأهالك؟
شريف حط إيده على شعره وبص لنادين بزهول:
— نادين.. أنتِ مش قلتيلي إن باباكي عنده مخازن ومعارض في العبور؟
— أيوة عنده!
— باسم مين المخازن دي؟
سكتت وماردتش كلمة.. ساعتها عفاف بدأت تجمع الخيوط وتفهم الفخ:
— أنتِ.. أنتِ عشان كده كنتِ عمالة تسأليني كتير عن الشقة وسعرها؟!
— ما حضرتك اللي ما كنتيش بتسكتي كلام عنها وعن العز اللي فيها!
— كنتِ بتسأليني تسوى كام، وهل عليها أقساط، وهل اسم شريف مكتوب في العقد ولا لأ!
نادين مسكت شنطتها بسرعة وكانت هتموت وتخلع:
— الموضوع ده مهزلة وأنا مش هفضل قاعدة في الجو ده.
— المهزلة بجد —رديت أنا ببرود— هي إنك جيتي لحد بيتي عشان تطردي الزوجة من شقة مش ملك أصلاً للراجل اللي ووعدك إنك تعيشي فيها!
شريف بصلي وهو مجهول:
— مريم.. أنا عمر ما قلتلها إنها هتجي تعيش هنا!
نادين انفجرت في الضحك بهستيرية:
— أه والله؟ ومين اللي كان بفرجي صور الجنينة على التليفون ويقولي لما الموضوع يخلص خالص هنهد الحيطة ونكبر الصالة؟
عفاف لفت لابنها وهي هتتجنن:
— أنت كمان وعدتها بالشقة يا شريف؟!
— يا ماما أنا كنت بتكلم عادي.. كلام وبيتقال!
— أنت بقالك شهور “بتتكلم عادي” مع أشكال وألوان —رديت أنا بصلابة.
طلعت من الفولدر صور سكرين شوتس لحجوزات فنادق ورسايل بينه وبين بنتين تانيين غير نادين. شريف الدم هرب من وشه تماماً.
— مريم.. الصور دي ملهاش أي معنى!
— معناه إن نادين حتى مكنتش حب حياتك اللي بتخرب بيتك عشانه، دي كانت مجرد أحدث واحدة في القائمة!
نادين خبطته بكتفها وهي ماشية ناحية الباب:
— أنت بني آدم قذر ومنافق!
— أنا؟! ده أنتِ اللي جيتي ولزقتِ لأمي عشان فاكرة إننا مريشين وعندنا ملايين!
— على الأقل أنا ما كدبتش وادعيت إن شقة غيري ملكي!
المشهد كان هيبان كوميدي أوي لو ما كانش دي حياتي أنا.. عفاف، اللي من عشر دقائق بس كانت بتؤمرني ألم هدومي وأغور عشان تسيب الشقة لنادين، بقت هي اللي بتمسح بـ نادين الأرض وتصرخ فيها.
رفعت إيدي وقلت بصوت صارم:
— الصوت ده ما يعلاش في بيتي.
التلاتة سكتوا فجأة وبصولي.
— نادين.. تاخدي شنطتك وتطلعي برة فوراً.. والحلق يفضل مكانه. طنط عفاف.. اتفضلي أنتِ كمان برة. شريف.. أنا وأنت هنتكلم أول ما هما يمشوا.
نادين خرجت ورزعت الباب وراها من غير ما تنطق حرف. أما عفاف ففضلت واقفة مكانها مش قادرة تتحرك، وقالت بنبرة انكسار:
— أنا.. أنا كان كل قصدي أشوف ابني مع واحدة تساعده ويعلو مع بعض..
— ابنك كان معاه زوجة شايلاني وشايلاه، بس أنتِ كان نفسك في كنة تتفشخري بيها قدام صاحباتك وتعملي بيها نمرة.
— مريم! اتكلمي معايا بأدب، أنا حماتك!
— أنتِ دخلتي أوضة نومي، أخدتي حاجة مش بتاعتك، أديتيها للي ماشية مع ابنك، وجبتيها لحد بيتي عشان تطلعوني برة بالسيف.. عايزاني أكلمك إزاي يعني؟
مالقتش رد. وأول ما الباب اتقفل وراها، شريف قعد على الكنبة وبدأ يعيط بالدموع.. بس مشاعري كانت جمدت خلاص.
— مريم.. والله أمي هي اللي كانت ضاغطة عليا في موضوع نادين ده..
— أمك ما راحتش نامت معاها يا شريف.
— الموضوع ما بدأش كده والله..
— أنا مش محتاجة اسمع تفاصيل الخيانة.. المهم إنك خنتني.
— طب ندي لنفسنا فرصة نصلح اللي اتكسر..
— لأ.
— بس أنتِ بنفسك قلتِ قبل كده إنك مستحيل تطلقي!
كان كلامه صح.. أنا بقالي أسبوعين بردد إني مش هديه الطلاق، مش عشان باقية عليه، بس عشان كنت مرعوبة من فكرة إن واحدة زي نادين تدخل بيتي، تستعمل حاجتي، وتاخد التعب والشقاء اللي أنا بنيته.. كنت ماسكة في الجوازة بفرس وغل. بس الليلة دي فهمت حاجة مهمة أوي.. أنا كنت قافلة الباب بالمفتاح عشان أمنع واحدة تانية تدخل، في حين إن شريف أصلاً عايش برة البيت ده من زمان.
— أنا غيرت رأيي.
وشه اتخطف:
— مريم…
— بكرة الصبح هكلم المحامية تفعل إجراءات الطلاق.. وأنت هتلم هدومك وتروح تقعد عند أمك لحد ما نخلص كل حاجة بالقانون.
— بس البيت ده بيتي أنا كمان!
— لأ.. البيت ده كان بيتك طول ما كنا أزواج، مش عقار توعد بيه كل واحدة تحب تضحك عليها!
بصلي بقلة حيلة وقال:
