قصص و روايات

سهيلة سعيد الثالث والاخير

مريام: طيب هحاول أكلمهم، مع إني متأكدة إنهم هيرفضوا.

شهاب: لا هيوافقوا إن شاء الله.

مريام: يارب.

يسكت شهاب.

مريام: حنيت؟

يبصلها ويغير وشه ويبص في الأرض.

شهاب بتنهيدة: أنا مقستش عشان أحن.

مريام: بس فاتت فترة كان ممكن قلبك يقسى وينسى.

شهاب: معرفتش.. يمكن عشان أنا اللي جارحها.

مريام: حتى رغم المسافات اللي بينكم؟

شهاب: عمر المسافات م قست حد.. اللي في القلب في القلب.

مريام: إنت بتحبها أوي.

شهاب: أوي.

في الطيارة، قاعد شهاب وجنبه مريام.

شهاب: أهلك بيعشقوكي.

مريام: احم.. آه.. أوي.

شهاب: أنا خايف.

مريام: من إيه؟

شهاب: إنتي عارفة إن عصام بيعرفني أخبارها دايمًا، بس أنا خايف من المقابلة.

مريام: بص هي كدة كدة مش هترضى تقابلك بسبب اللي فات، فسيبها تيجي بالصدفة أحسن.

شهاب: ماشي.

يبص من شباك الطيارة جنبه.

يعدي الوقت.

هند في البيت بتتكلم في الفون.

مروان: حكيت لماما عنك، متشوقة تشوفك أوي.

هند بنفس طويل: بص يا مروان.

مروان: نعم؟

هند: أنا فاهمة كلامك ده وفاهمة قصدك.

مروان: يعني عارفة إني بحبك؟

تتفاجئ هند وقلبها يدق بسرعة.

هند: لا، بس كنت حاسة إنك بتلمح لكدة.

مروان: وإنتي رأيك إيه؟

هند: أنا مش عاوزاك تتعشم فيا.

يتضايق مروان.

مروان: ليه يا هند؟

هند: عشان.. عشان أنا شيلت من بالي حوارات الحب دي من زمان أوي.

مروان: يعني مش عشان أنا متحبش أو إنسان مش كويس؟

هند: لا طبعًا، إنت إنسان كويس ومحترم وتتحب.

مروان: يبقا مفيش حاجة اسمها شيلت من بالي حوارات الحب.

هند: لا في.. إنت مش فاهم.

مروان: فهميني طيب!!!

تسكت.

مروان: بتحبي حد تاني؟

هند: كنت ومحصلش نصيب.

مروان: وده مأثر فيكي لحد دلوقتي ومش عارفة تنسيه؟

هند: لا.

8 من 8التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى