هند: ههههه، لا أنا أمي مش هبلة أبدًا.
فاطمة وهي خارجة من أوضتها ووشها كله نوم: هو إيه الدوشة دي؟
يجي الليل، سو نايمة في حضن شهاب.
سو: شهاب.
شهاب: نعم.
سو: هو إنت ليه محبتنيش؟
شهاب وهو بيبصلها: إيه السؤال الغريب ده؟
سو: بتكلم جد.
شهاب: ما أنا عارف إنك بتتكلمي جد.
سو: طب رد ع السؤال.
شهاب: هو إيه السؤال؟
سو: ليه محبتنيش؟
شهاب: ومين قالك إني مبحبكيش؟ أنا لو مبحبكيش مستحيل أكون معاكي. أنا معرفش أكون مع حد عشان حاجة أو غرض، أنا معاكي عشان حبيتك.
سو: بس إنت لو بتحبني كنت ارتبط بيا.
شهاب: في فرق بين بحب واحدة فمتخيلها مراتي هتجوزها، غير لما أحب واحدة عشان ارتحتلها وعشان هي إنسانة كويسة ومينفعش متتحبش.
سو: يعني إنت بتحبني عشان أنا مينفعش متحبش؟
شهاب وهو بيقوم: لا، أنا عاوز أفهمك ومش عارف.. إنتي عاوزة توصليلي إيه بالظبط؟
سو: أنا مش عاوزة أوصلك حاجة، أنا عاوزاك إنت توصلي إزاي أنا اديتك كل حاجة وإنت مش عاوز تديني وجودك الدايم جنبي بارتباطك بيا!!!
شهاب: آه هو إنتي فاكرة لما تسلميلي نفسك أنا كده هقول حبيتها خلاص ولازم أتجوزها؟
سو: كان في إيه أكتر من كده المفروض أعمله ومعملتوش؟
شهاب: لا، يبقى فعلًا بعد أهلك عنك أثر فيكي يا سو، وأمك مفهمتكيش الجزء ده.. بس أنا هفهمك.
يقعد قصادها.
شهاب: ممكن تستغربي إن أنا اللي بقولك الكلام ده لأني معاكي، بس أنا مفيش أي حاجة غصبتك عليها، فسيبنا من الكلام ده. إنك تسلمي نفسك لحد حتى لو بتعشقيه، ده مش حب.. ده معلش هبل.. هبل وحقارة في نفس الوقت. مش هقولك خونتي أهلك والجو ده، بس هقولك خونتي نفسك وخونتي جسمك اللي كان ليه الحق عليكي إنك تحفظيه للي هيكونلك في الحلال وبس.
فانسي إن في وضع زي ده المفروض إني أقول أتجوزك بقى من إنتي كلك بقيتي ملكي. طب مسألتيش نفسك أتجوزك ليه وإنتي كأنك مراتي، ولو عوزتك في أي وقت هلاقيكي؟ مسألتيش نفسك ليه دايمًا اللي بيغلطوا بيتهرب ومبيرضاش يتجوزها؟ مش ندالة، بس عشان خلاص معادتش محفوظة ليه وقلت من نظره، فإزاي دي تبقى أم لعياله؟ وإزاي يبص في وشها بعد الجواز ويأمنها ع بيته في غيابه؟
وبتقولي في إيه أكتر من كده؟ لا، في.. في مشاعر في أول لمسة إيد.. مشاعر في أول بوسة خطف، ده لو عرفت آخدها.. مشاعر أول حضن.. فرحة إن أشوف حبيبتي بالفستان الأبيض.. فرحة إن أشوف الكسوف اللي في عيونها مني أول ما تدخل بيتي.. الحلال ليه طعم تاني خالص، إنتي للأسف مش هتحسيه عشان سلمتي من زمان يا سو.
تنزل دموعها.
سو بحزن: يعني أنا مش هتجوز؟
شهاب وهو بيمسح دموعها: لا يا قلبي هتتجوزي طبعًا، بس كل الفكرة إن مش أنا اللي هتجوزيه، بس هتتجوزي، هو في بنت مبتتجوزش؟
سو: بس أنا مش متخيلة إن ممكن أكون مع حد غيرك.
شهاب: لا، طالما وصلتي للمرحلة دي يبقى هضطر أنسحب من حياتك عشان متتأذيش بسببي.
سو بانفعال: لا أوعااا يا شهاب، أوعا تبعد عني! إنت آه كل فين وفين لما بشوفك، بس عارفة إنك موجود في حياتي، أوعا تبعد.
شهاب: يبقى نعقل بقى.
سو: حاضر.
شهاب: قومي خدي دش كده وروقي.
سو: حاضر.
يعدي الوقت، يرجع شهاب الشارع، يرن فون فاطمة.
فاطمة: ألو.
شهاب: الحلو خف ولا لسة؟
فاطمة بابتسامة: لا الحمدلله أحسن بكتير.
شهاب: الحمدلله، أنا قلت أطمن عليكي قبل ما أطلع عشان لو في أي حاجة.
فاطمة: لا أنا كويسة.. إنتااا كنت فين للساعة دي؟ مش قلت إنك إجازة!!!
شهاب: كنت بصيع في الشوارع.
فاطمة: ههههه، إنت متعرفش تقعد في البيت أبدًا.
شهاب: لا طبعًا، وأنا بردوا بتاع بيت.
فاطمة: ماشي.
شهاب: مش عاوزة أي حاجة من برة؟ أنا تحت البيت، أناولك اللي إنتي عاوزاه.
فاطمة وهي بتقوم من ع التخت: لا، عاوزة سلامتك.
شهاب: قولي بس، هدفعك حق الحاجة، متقلقيش.
فاطمة وهي بتفتح البلكونة: ههههه، لا.
يسمع شهاب صوت البلكونة، يبص يشوفها لأنهم في أول دور.
فاطمة: يلا اطلع.
شهاب وهو باصلها: أطلع.. أطلع فين؟
فاطمة: اطلع بيتكوا.
شهاب: هو إنتي احلويتي ولا أنا اللي جرا لعيني حاجة؟
فاطمة: ههههه، لا جرا لعينك حاجة.
شهاب: طب إيه بقى؟
فاطمة: إيه؟
شهاب: إيه اللي طلعك؟ ما أنا كنت داخل بيتنا بسلام.
فاطمة: معلش هدخل أهو.
شهاب: لا استني.. ولا لا ادخلي عشان متتعبيش.
فاطمة بحيرة: أدخل ولا استنى؟
شهاب: أنا عاوزك تستني، بس مش عاوز أتعبك.
فاطمة: بس أنا مش تعبانة.
شهاب: عشان شوفتيني صح؟
فاطمة: ههههههه.
شهاب: قولي وربنا مش هقول لحد.
فاطمة بضحك: بطل بقى.
شهاب: ماشي يا عم، يلا ادخلي.
فاطمة: تصبح ع خير.
شهاب: وإنتي بخير.
يقفل شهاب ويبصلها من تحت، تبتسم له وتدخل وتقفل البلكونة.
هند: بتعملي إيه!!
فاطمة: يخربيتك خضتيني.
هند: سلامتك من الخضة.
فاطمة: ده طلعت أتكلم في التليفون عشان مصحيكيش.
هند: ومن إمتى الحنية دي!!!
فاطمة: يا ستي أنا غلطانة، بعد كده هتكلم فوق دماغك.
هند: كنتي بتكلمي مين؟
فاطمة: وإنتي مالك؟
تسيبها فاطمة وتروح ع تختها تنام.
تعدي الأيام وشهاب وفاطمة بيتكلموا فون وع الفيس.
شهاب في أوضته نايم وفجأة…
الصوت: يلهويييييييي! الحقونيييييي! آآآآآآه!
يقوم شهاب من النوم مفزوع ع صوت الصريخ وصوت تكسير حاجات. يقوم يطلع البلكونة، يشوف صالة بيت فاطمة فيها ناس وكركبة وصريخ. يدخل ويجري ع تحت.
عند فاطمة، هند حابسة فاطمة في الأوضة وبرة ستات واقفين لهند وضاربينها.
هند: آاااه!
أم هيثم بزعيق: ابني يضرب بالشبشب ده؟ أنا هخلي ليلتكم سودة!
أخت هيثم: افتحي يا بت أم الباب دااااا!
هند: لااااا!
فاطمة: يا هند افتحي!
هند بصريخ: اسكتيييييي!
أم هيثم: هتفتحي أم الباب ولا………
يدخل شهاب.
شهاب: في إيه؟
هند: الحقنا يا شهاب، متهجمين علينا.
شهاب: إيه اللي بتعمليه ده يا أم هيثم!!!
أم هيثم: باخد حق ابني يا شهاااب!
شهاب بانفعال: حق إيه وزفت إيه؟ ده هما اللي ليهم حق عندكم.
أخت هيثم: ده إزاي ده إن شاء الله!!!
شهاب: اسألي أخوكي وهو يقولك.. اسأليه عمل إيه عشان يضرب بالشبشب ع وشه من حريم.
أخت هيثم: بقولك إيه، متدخلش إنت، حقنا هناخده.
هند: لا يتدخل.
شهاب: لو ممشتوش دلوقتي، أنا هبيتلكوا ابنكوا في المستشفى تااااني، وابْقوا وروني بقى هتاخدوا حقه مني إزاي.
يبصوا لبعض.
أم هيثم: امشي قدامي.
أخت هيثم: بس…
أم هيثم: غوري بقااااااا!
