قصص و روايات

سهيلة سعيد الثالث والاخير

شهاب: ماشي.

كارمن: ساعتين و5 دقايق………..

تشاور ع البادي جارد.

كارمن: قول لبطة مبروك ع عريسها الجديد.

يبصلها بغيظ ويمشي.

يطلع شهاب من الفيلا.

شهاب بابتسامة: كنت عارف إن ده هيحصل.

يركب متوسيكلته ويمشي.

يوصل الشارع، ينزل ويدخل محل عصام.

عصام: إيه ده يا بني؟ إنت متخانق؟

شهاب: هات اللاب.

عصام: طب قولي في إيه الأول؟ مالك؟

شهاب: لما أرجع هقولك، أخلص.

يديهوله.

ياخده ويرجع لكارمن.

كارمن واقفة بتفتح في اللاب وبتطمن ع حاجاتها، والبادي جارد واقفين حوالين شهاب.

شهاب: خلصنا ولا إيه؟

تبصله كارمن.

كارمن بابتسامة: لا مخلصناش.

شهاب: عاوزة إيه تاني؟ مش خدتي حاجاتك؟

تقرب عليه كارمن وبأقوى ما عندها تضربه بالقلم.

يبتسم شهاب.

شهاب: خلاص كدة؟ النار اللي جواكي انطفت؟

كارمن: لا يا شهاب.. ولا عمرها هتنطفي.

شهاب: طااايب.

كارمن: أنا كنت عاوزة أعليك، بس باين إن أشكالك هتفضل طول عمرها واطية.

شهاب: قلتهالك قبل كدة، مش واحدة زيك اللي تعليني، وإنتي أصلًا أوطى خلق الله، وكل اللي معانا دول دلوقتي عارفين إنك بنت كلب و… ومستحملينك عشان فلوسك، بس للأسف أنا معنديش الطاقة دي ولا في يوم هكون بتاع الست، فمش هستحمل واحدة شبهك.

كارمن بغل: اطلع برة.. عشان وربي هخلص عليك.

يبصلها شهاب بابتسامة مستفزة ويمشي.

كارمن بصريخ: اطلعوا كلكم برااااا.. براااااا!

يطلع الكل إلا إنجي.

إنجي: كارمن اهدي.

تقعد كارمن وتنزل دموعها.

إنجي: طلع فعلًا مش سهل زي ما قلتي.

كارمن: كانت كل حاجة ماشية تمام.

إنجي: كان لازم ده يشكك إن في حاجة غلط.

كارمن: بعد إيه بقا؟

يرجع شهاب الشارع، يطلع المكتب، يدخل التواليت يغسل دماغه ووشه من الدم، ويطلع يترمي في الأرض من التعب.

بعد يومين.

هند في مصنع ملابس، مستنية تستلم الهدوم، وناس كتير مستنيين.

يقرب شاب.

…….. معلش يا جماعة، باقي الناس اللي مستلمتش خليها الدفعة الجاية، عشان في ضغط اليومين دول ومش هنقدر نسلمكم قبل يومين أو تلاتة.

تنفعل الناس.

هند: نعم؟ إيه اللي بتقوله ده؟ إنت كدة هتوقف أشغالنا!!!

…….. والله مش بإيدنا.

هند بانفعال: أومال بإيد مين؟ فين مدير المكان ده؟

…….. لو سمحتي مفيش داعي للزعيق، الدفعة التانية مش بعيدة، أنا بقول يومين تلاتة بس.

هند: المحل نصه فاضي، مقدرش أستنى يومين تلاتة، إنت كدة هتخسرني زباين.

…….. والله مش مشكلتي بقا، أنا قلت اللي عندي.

هند بزعاق: قلت هاتولي أم المدير!

يقرب شاب ع الصوت.

مروان: في إيه يا بني!!!!!

…….. معرفش، الآنسة مش عاجبها الكلام وعمالة تزعق.

مروان: هند!!!!

هند: في زفت ميعاد المفروض تلتزموا بيه، إزاي تيجوا تقولوا مفيش استلام!!!!!

مروان: طب ممكن تهدي وتيجي معايا؟

هند: أجي معاك فين؟

مروان: هفهمك يا ستي، تعالي.

تروح معاه يدخلوا مكتبه.

مروان: إنتي دايمًا عصبية كدة؟

هند: أنا ورايا شغل وناس، لو الشغل مجاش النهاردة هيروحوا يشتروا من برة، ده محل هدوم مش مكتب تسويق، هيستنوا؟

مروان: طب اقعدي كدة واهدي وأنا هتصرف.

هند: هتسلمني الهدوم؟

مروان: يا ستي هعملك اللي إنتي عاوزاه، بس اقعدي.

تتنهد هند وتقعد.

يمسك مروان الفون.

مروان: عز، شوفلي دفعة JJ، أي دفعة متكونش اتسلمت.. بس دي ضروري، يلا.. سلام.

يقفل مروان ويقعد قصادها.

مروان: تشربي إيه؟

هند: مش عاوزة، شكرًا.

مروان: هجيبلك لمون يهديكي.

يطلب لها لمون.

مروان: مينفعش تاخدي كل حاجة ع أعصابك كدة.

هند: يا سيدي ولا أعصابي ولا غيره، كل الحكاية إني مبحبش حد يلتزم معايا بحاجة ويخلفها عشان هطر أنا كمان أخلف مع اللي التزمت معاه.

مروان: بس مش يمكن الحد ده حصله ظرف طارئ فمطر يخلف اللي وعدك بيه؟

هند: المفروض لو مكانش قد كلامه وواثق منه، مكانش قاله من الأول.

يبتسم مروان.

مروان: النقاش معاكي خسران.

هند: لما أكون صح بس.

في بيت فاطمة.

فاطمة لابسة ونازلة.

إسراء: رايحة فين؟

فاطمة: زهقانة، عاوزة أمشي.

إسراء: طب استني هاجي معاكي.

فاطمة: لا، عاوزة أبقا لوحدي، خليكي.

إسراء: طب إنتي كويسة يعني؟

فاطمة: أيوة.

تلبس فاطمة الكوتشي وتنزل.

شهاب واقف مع عصام في المحل.

شهاب: هيجيبهولي إمتى؟

عصام: يومين بالكتير.

شهاب: قوله ينجز بس.

عصام: ماشي.. إنت خلاص ده آخر قرار؟

شهاب: أيوة خلاص.

يلمح فاطمة ماشية في الشارع.

يجري، يطلع من المحل ويروح وراها.

شهاب: فاطمة.

تتخض أما تسمعه وتكمل مشي.

شهاب: فاطمة!!

فاطمة بعصبية: إيييييه؟

شهاب: اقفي بالله عليكي، عاوز أكلمك.

فاطمة وهي ماشية: هو كلامي ليك في الموبايل مكانش واضحلك كفاية؟

شهاب: يا فاطمة أنا غلطت، سامحي بالله عليكي، دي آخر غلطة.

فاطمة: عمري م هسامح.

شهاب: طب قوليلي إيه يرضيكي وأنا أعمله.

فاطمة: تبعد عني.. ده اللي يرضيني، ابعد.

شهاب: يا فاطمة أنا بحبك وإنتي عارفة كدة.

فاطمة: كنت عارفة.. دلوقتي كل اللي أعرفه إنك حيوان وخاين.

شهاب: طب…………

فاطمة بعصبية وهي بتلفله: باااس بقا خلاص كفياك، أنا مستحيل أرجعلك أو أقبل أكون مع واحد زيك تاني. أنا بسببك كنت مشلولة، بسببك قضيت أسوأ 3 أيام في حياتي، من وجع جسمي لوجع قلبي.. سيبني في حالي بقا وبطل أذية فيا وابعد.

شهاب: حاضر.. حاضر هبعد، أنا آسف.

تمشي فاطمة ويفضل شهاب واقف باصلها.

عند هند يدخل عز.

عز: الدفعة جاهزة.

مروان: تمام.

تقوم هند.

مروان: تقدري تستلمي كدة؟

هند: أنا مش عارفة أقولك إيه، متشكرة.

مروان: العفو ع إيه.. ممكن تديني رقمك نبقا نتواصل وقت استلام الدفعات، وأعرفك وقتها تيجي إمتى بدل م تيجي ع الفاضي.

هند: تمام أوك.

تديله الرقم.

هند: شكرًا مرة تانية.

مروان: العفو، تؤمري.

هند: باي.

مروان: باي.

فاطمة واقفة ع الشط، بتبص ع البحر وسرحانة.

«حبيييييييتك يوم م اتلاقينا لما حكينا أول كلااااااام..»

تنزل دموعها.

فاطمة في سرها: كان كدب يا رب.. كان كله كدب.. عمالة أقول لنفسي بعد أي مصيبة إنك شايلي حاجة أحسن.. شايلي حاجة أحسن.. هو ده الأحسن؟ الكسرة دي الأحسن؟ استغفر الله العظيم.

بعد يومين، في شركة كارمن.

كارمن في مكتبها، وفجأة يدخل زهير بكل عصبية.

زهير بانفعال: يا بنت الكلب يا…

تتخض كارمن وتقوم تقف.

كارمن: في إيه؟

زهير وهو بيضربها بالقلم: بتخونينيييي!

كارمن: آااه.

زهير: بتخونيني يا بنت الـ…

كارمن بعياط: خنتك إيه؟ أنا مخنتكش.

زهير: يا كدابة يا…

يمسكها من شعرها ويجرجرها ع برة وسط الموظفين والعملاء.

زهير: وحياة أمي مش هسيبك النهاردة.

كارمن بصريخ: سيبنيييييي!

يطلع بيها برة الشركة.

زهير وهو بيزقها: ع البادي جارد، ع البيييييت!

يركبها البادي جارد العربية، ويركب زهير عربية تانية ويمشوا.

يوصلوا البيت.

يدخل زهير الفيلا، والبادي جارد وراه بكارمن.

يقعد زهير ويرموها تحت رجله.

كارمن بعياط: أنا عملت إيه بس؟

يشاور للبادي جارد يديه لاب توب.

يطلع زهير من جيبه فلاشة شهاب ويحطها ع اللاب ويفتح الفيديوهات.

زهير وهو بيوريها الفيديو: ده اللي عملتيه يا روح أمك.

تترعب كارمن.

زهير: بتلعبي من ورايا يا كارمن.. أنا يتلعب من ورايا؟ ورحمة أمي لهندمك ع اليوم اللي عرفتيني فيه، وهسجنك وربي هسجنك.

**فلاش باااااك**

من يومين، يرجع زهير مصر.

زهير في مكتبه، تدخله السكرتيرة ظرف.

يفتحه، يلاقي فيه فلاشة ورقم فون.

يستغرب ويتصل برقم الفون.

زهير: ألو.. لو سمحت أنا جالي ظرف فيه فلاشة، والرقم ده مين حضرتك؟ وإيه الفلاشة دي؟

شهاب: ده فيلم ثقافي كدة للمدام.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى