قصص و روايات

سهيلة سعيد الثالث والاخير

زهير: نعم؟

شهاب: افتح الفلاشة واتفرج وبعدها كلمني.

يقفل شهاب.

يستغرب زهير، يحط الفلاشة في اللاب بتاعه ويشغلها.

يشوف الفيديوهات ويتصدم.

زهير: يا بنت ال…

يمسك الفون بسرعة ويتصل بشهاب.

زهير: إنت مين وجيبت الحاجات دي منين؟

شهاب: اعتبرني فاعل خير.. ومش مهم جبتها منين، المهم إني عندي منها نسخة تانية وممكن أوي النسخة دي تقع في إيد حد كدة ولا كدة أو تنتشر ويتفرجوا عليها كل صحابك وعيلتك، وبالذات مرتك الأولانية.. دي هتشمت فيك شماتة.

زهير بخوف: لا لا لا، الحاجات دي مينفعش تقع في إيد أي حد، اللي تطلبه هعملهولك، أنا مش عاوز فضايح.

شهاب: 100 مليون جنيه.

زهير: كااام!!!!!

شهاب: مبعيدش كلامي مرتين.

زهير: طيب حاضر، هديك اللي إنت عاوزه.

**باااااك**

في المطار، واقف شهاب بيمضي جواز سفره لدبي.

يمضيه، وفي طريقه لطيارته يبتسم.

تعدي الأيام والشهور.

شهاب يفتح شركة أدوات تجميل وبرفان، ويعمل براند خاصة بيه، ويبقى من أهم رجال الأعمال في دبي.

بعد سنتين.

في شركة شهاب، في مكتبه، قاعد شهاب وقصاده قاعدة بنت.

جنى: أنا متفائلة بيكوا.. شركتكوا عملت اسم وبراند في وقت قصير جدًا، وبصراحة مش هلاقي أفضل منها نتعامل معاها.

شهاب: إن شاء الله نكون تحت حسن ظنك.

**الحلقة الثامنة والعشرون ٢٨**

يتفتح الباب مرة واحدة.

مريام بصوت عالي: صباحووووو!

نوقف لحظة.

مريام بنت جميلة، بشرتها بيضة، عيونها بني، شعرها قصير جدًا يشبه شعر الولاد، قصيرة ورفيعة، جسمها رياضي، عندها 20 سنة، ستايلها دايمًا كاجوال، متقولش ستايل بنت أبدًا، من عيلة كويسة، تبقى البيست فريند بتاعت شهاب، صحاب جدًا.

نرجع تاني.

مريام: إنت معاك حد؟

شهاب: مش قلنا نخبط ع الباب؟

مريام: احم سوري.. أنااا هقعد هنا، مش هعمل صوت.

تقعد مريام ع الكنبة.

جنى وهي بتقوم: طيب أمشي أنا بقا.

شهاب وهو بيمدلها إيده: اتشرفت بمعرفتك.

جنى: وأنا كمان.

تمشي جنى.

شهاب: هتفضلي متخلفة كدة كتير؟

مريام: ليه يا عم؟ بصبح عليك.

شهاب وهو بيقعد: صباحك خرة ع دماغك.

مريام: الله يخليك.

شهاب: يلا ع شغلك.

مريام: إنت ليه بقيت بتعاملني بجفاف كدة؟ فاكر أول مقابلة لينا يا حصبو؟

شهاب: كانت معرفة سودة، جبت لنفسي وجع الدماغ والله.

مريام: تشكر يا شبح.. إلا قولي صحيح إنت شايل سلاح ليه!!!!!

شهاب: خليكي في حالك.

مريام: طب كان مين المزة دي يا عم الحبوووب؟

شهاب: وإنتي مال أهلك؟

مريام: أيوة افتكرت، مش دي اللي كانت في اجتماع امبارح؟

شهاب: أنا لسة شاتمك ع فكرة.

مريام: إيدا بجد؟

شهاب: آه وربنا.

مريام: طب بقولك إيه؟

شهاب: يا نعم.

مريام: أنا عاوزة مكافأة.

شهاب: مكافأة إيه؟

مريام: مكافأة ع شغلي، فلوس يعني.

شهاب: وحياة أمك شغل إيه ده؟ إنتي بتقعدي في مكتبي أكتر م بتشتغلي.

مريام: يا عم متحبكهاش، بقولك عاوزة أعمل بيرسينج في حواجبي.

شهاب: الهي تتشلي في حواجبك، هو أنا فاتحها تكية؟ كل م تتزنقي في حاجة تيجي تقوليلي أنا.. إنتي معندكيش أهل يسألوا عليكي يا مريام؟

مريام: إنت عاوزني أقول لأبويا هات فلوس أعمل بيرسينج؟ ده كان ياكلني فيها.. كفاية أما بيشوفني بيستعيذ من الشيطان.

شهاب: ههههه، الراجل عنده حق، مهو من اللي إنتي مهبباه في وشك ده حد يحط روج أسود؟

مريام: ده كحلي ع فكرة، وبعدين أنا بعمل كدة عشان أطرد العرسان.

شهاب: هما فين العرسان دول؟ أنا من ساعة ما عرفتك مشفتش كلب عبرك غير بهاء ده اللي طفشتيه، وبعدين شيلي كل القرف اللي في وشك ده وهما هيطفشوا لوحديهم.

مريام: أخس عليك بقا، أنا مفيش كلب معبرني.

شهاب: آه.

مريام: ماشي سيبنالك إنت الحب يا كازانوڤا.

يفتكر شهاب فاطمة، قلبه يوجعه.

مريام: المهم هتديني المكافأة ولا أروح أنحرف عشان ألفين جنيه حق البيرسنج؟

شهاب: روحي يا مريام.

مريام: أنحرف.

شهاب: خدي أم المكافأة.

مريام: آه اشطااا، شكرًااااااان.

تمشي خطوة وترجع تاني مرة واحدة.

تقرب تسند ع المكتب قصاد شهاب، قريبة أوي.

شهاب بخضة: إيه يا بنت الهبلة؟

مريام: بالمناسبة السعيدة دي بقا، هعزمك بالليل ع العشا في مكان فشيخ لسة عرفاه امبارح.

شهاب: اتحفيني.

مريام: ع حسابك هااا.

شهاب: وكدة عزومة؟

مريام: أيوة، أنا أختار المكان وإنت تدفع، ليلا ألقاك.

تمشي مريام.

يتنهد شهاب بنفس طويل ويمسك الفون، يفتح صور فاطمة.

في بيت فاطمة، فاطمة وهند وإسراء قاعدين سوا.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى