قصص و روايات

سهيلة سعيد الثالث والاخير

فاطمة: طب هو قالك إيه يعني؟

هند: بيلمحلي بس كلامه واضح أوي.

إسراء: طب وإيه المشكلة؟ مروان إنسان كويس ومن عيلة كويسة.

هند: بس أنا وهو بينا شغل وزي الإخوات وصحاب، مش حابة يكون في بينا أكتر من كدة.

فاطمة: وليه يا هند؟ مدام بني آدم محترم؟

هند: مش عارفة.. بس خايفة ومش حابة يكون في بينا كدة.

فاطمة: طب جربي يمكن ترتاحي.

إسراء: أيوة ولو مرتحتيش ابعدي.

هند: بعد م يتعلق بيا.

فاطمة: هو كدة كدة متعلق، فإنتي مش هتزودي حاجة، ده عشان نفسك مش عشانه.

تسكت هند بتفكر.

يجي الليل.

يرن فون شهاب وهو نازل من الشركة.

شهاب: إيه؟

مريام: تاك أوا، يلا أنا مستنياك تحت.

شهاب: اهدي عليا، نازل أهو.

مريام: أنجز يا عم أنا……

يقفل في وشها.

شهاب: رغاية.

ينزل شهاب لمريام.

مريام وهي بتقفل في وشه: يا قليل الذوق يا عديم الأدب.

شهاب: ههههههه، عديم الأدب.

مريام بضحك: إيه اللي أنا بقوله ده؟

شهاب: اركبي يلا اركبي.

يركبوا متوسيكلات.

مريام: امشي ورايا.

شهاب وهو بيمشي: م بمشيش ورا الحريم.

يطلع قدامها.

تبتسم مريام وتسابقه.

ويفضلوا يسابقوا بعض.

فاطمة في المحل، يدخل هيثم.

هيثم: فاطمة.

تبصله.

هيثم: عاوز أتكلم معاكي.

فاطمة: نعم؟

هيثم: أنا عاوز أتجوزك.

تتفاجئ فاطمة.

هيثم: إنتي عارفة إني بحبك، وكنت من قبل م شهاب يتقدملك كنت هتقدملك والله بس ملحقتش.. ولما سيبتيه حاولت كتير أتكلم معاكي مدتنيش فرصة، فقلت سيبها تنسى.. أظن عدى وقت كافي إنك تنسي فيه.

فاطمة: أنسى إيه؟

هيثم: تنسي شهاب.

فاطمة: وإنت فاكر إن النسيان بالوقت؟ مين قال كدة؟ عمر النسيان م كان بالوقت.. في ناس كتير أوي غالية علينا وفارقتنا وعدت سنين ومنسينهاش.. فمتقوليش سيبتك تنسي.. هو آه بالنسبالي انتهى، بس عمري م هنساه.. أنا مبعرفش أنسى.. حتى النسيان ملهوش محاولة، هو حاجة كدة، وجع صغير جواك بيفضل موجود كل م تفتكر.. وأنا مش هبطل أفتكر، فولا أنفعك ولا أنفع غيرك، مهما عدى عليا وقت ومهما فاتت سنين، أنا هفضل كدة واقفة مكاني يا هيثم.

هيثم: بس أنا عاوزك يا فاطمة وبحبك.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى